2013 жылы “Қайрат” клубының спорт директоры болған Патрик ван Леувен, алматылық клубқа бапкер ретінде қайта оралуы мүмкін, деп жазады Аладоп.кз.
Еске салайық, осыдан бір күн бұрын "сары-қаралар" ұжымы клубта 2022 жылдан бері бапкер болып келген Кирилл Кеккерді өз қызметінен босатқан болатын. 44 жастағы маман жаттықтырушысы міндетінен босағанымен, “Қайраттың” құрылымында жұмыс жасай бермек.
Ван Леувен бапкерлік мансабында “Фейеноорд”, “Маккаби”, “Заря” және “Шахтер” Донецк командаларын баптаған. Тель-Авив командасы Патриктің тізгінінде Израиль кубогы мен Суперкубогына қол жеткізді.
Айта кетейік, 54 жастағы маман 2013 пен 2015 жыл аралығында “Қайрат” командасының спорт директоры қызметін атқарды.
