«Жетісу» тағы бір қазақстандық футболшымен қош айтысты

Талдықорғандық "Жетісу" қазақстандық шабуылшы Акмаль Бахтияровпен қош айтысты, деп хабарлайды "Тень отца Гурмана" телеграм-арнасы.

"Өкінішке орай, екі жыл бұрын елдегі болашағынан зор үміт күттіретін ойыншылардың бірі болып саналған футболшы Премьер-лиганың ең соңғы командасында да өзін көрсете алмады", - деп жазады дереккөз.

Бахтияров "Жетісуға" наурыз айында ауысып келді. Осы уақыт аралығында ол Қазақстан чемпионатында бес матч өткізді, бірақ ешқандай тиімді іс-әрекетімен көзге түскен жоқ. "Жетісу" он турдан кейін бір ұпаймен турнирлік кестеде ең соңғы орында тұр.