Қазақстан ұлттық құрамасы мен бельгиялық "Беерсхот" клубының қорғаушысы Ян Вороговский 2022 жылғы Әлем чемпионатының іріктеу кезеңі аясында Франция құрамасымен болатын матч туралы пікірімен бөлісті, деп хабарлайды ҚФФ баспасөз қызметі.
- Біз әдеттегідей дайындалып жатырмыз. Барлығы біздің әлем чемпиондарымен ойнауымыз керек екенін түсінеді. Бұл бізге өзімізді көрсетудің тамаша мүмкіндігі. Біз барымызды саламыз және ел үшін күресеміз. Біз жанкүйерлерді жерге қаратпай, өз туымыз үшін алаңда барымызды салып күресеміз деп сенемін.
- Франция - Украина матчын көрдіңіз бе?
- Біз бұл матчтың шолуын міндетті түрде қарастырамыз, біздің жаттықтырушылар құрамы ойынды талдайды.
- Франция құрамасының ойыншыларынан сізге кім ұнайды?
- Оларда көптеген жұлдызды ойыншылар бар, ешқайсысы ерекшелене қоймайды. Команда тек танымал ойыншылардан құралған.
- Ұлттық құрамаға көптеген жас ойыншылар шақыртылды, олардың ойынына қандай баға бересіз?
- Иә, көптеген жастар қосылды. Олардан көздерінің жалындап тұрғанын байқауға болады. Барлығы жақсы жігіттер. Әсіресе Тимур Рудосельский өзін өте жақсы көрсетуде, сондықтан барлығы күресуге дайын.
- Матч көрерменсіз өтеді. Бұл сізге қаншалықты әсер етуі мүмкін?
- Осындай командаға қарсы матчта жанкүйерлеріміздің болмағаны өкінішті-ақ. Жанкүйерлеріміздің қолдауы біз үшін үлкен көмек болар еді деп ойлаймын. Бірақ біз олардың қолдауын көгілдір экран арқылы да сезінетінімізге сенімдімін.
Біздің серіктес: FONBET
