«Ақтөбе» клубындағы бас бапкердің міндетін атқарушы Владимир Зеленовский Бірінші Лиганың алғашқы айналымындағы нәтижелермен бөлісті.
- Қайырлы күн! Ең негізгісінен бастайық. Бас бапкер және оның көмекшісі күтпеген жерден команданы тастап кетті. Сізді бас бапкердің міндетін атқарушы етіп тағайындады. Осы сәтте сіздің сезіміңіз бен эмоцияларыңыз қандай болды?
- Эмоциялар, әрине, екіұшты болды. Бұл бір жағынан қиындық, екінші жағынан үлкен жауапкершілік. Мұнда шешім қабылдау керек болды, одан шығудың басқа жолы болмады. Бұл сәтте менеджменттің сенімі үлкен рөл атқарды. Мен жай ғана осы жағдайдағы ең жақсы әрекетті жасауға тырыстым. Және нәтиже оң болуы үшін бәрін жасауға тырысу керек деп ойладым. Мен барлық жігіттерге алғыс айтамын, олар кәсіби спортшылар ретінде де, нағыз еркек ретінде де бұл жағдайда ойыннан бас тартқан жоқ, өйткені барлығы бірігіп, күрескер ретінде ойнады.
- Сіз екі тең ойыннан кейін қателікке жол берілмейтін осындай шешуші сәтте команданы қабылдадыңыз. Шегінерге жер жоқ... Бұл жауапкершілік сіз үшін қаншалықты маңызды?
- Бұл өте үлкен жауапкершілік. Біз бәріміз қандай жағдайда болғанымызды, алдымызда қандай үлкен міндет тұрғанын анық түсіндік. Барлығы біздің қандай байсалды клубта жүргенімізді түсінеді. Қайталап айтамын, жауапкершілік өте үлкен болды. Сондықтан біз әрбір ойынды финал деп санадық. Басқа амал жоқ болғандықтан. Бірақ эмоцияларыма келетін болсақ, мен әрбір нақты қарсыласқа дайындық кезінде барынша жауапкершілікпен қарауға тырыстым. Негізгі құрамды таңдау, ойындарды талдау және ойын барысындағы алмастырулар оң нәтиже берді. Сол теориялық зерттеулерде көп нәрсе ұсынған Игорь Прохницкийге ерекше алғыс айтамын. Ол көптеген жергілікті ойыншыларды жастайынан біледі, ол маған көмектесті. Клуб басшылығына сенім білдіргені үшін, көмегі үшін және біздің команда үшін жасаған барлық жақсылығы үшін үлкен рахмет.
- Сіз жаттықтырушылар құрамында Түркиядағы оқу-жаттығу жиынынан бері жүрсіз. Енді бірінші турдың қорытындысын шығара отырып, команда сіз дайындаған әдіспен ойнады деп айта аласыз ба? Бұл жаттықтырушылар құрамы көргісі келген футбол түрі ме?
- Әрине, бұл максимум емес және бұл біз дайындаған футбол емес. Уақытты артқа қайтара отырып, біреуге бірдеңе түсіндірудің қажеті жоқ, мұның өзіндік объективті себептері бар. Барлығы мұның қаншалықты белгісіз болғанын біледі. Түсініксіз ойындар, жаттықтырушыны алмастыру, пандемияға байланысты жаттығуды тоқтату мәселелері бізге әсер етті. Иә, бұл, әрине, ақталу емес. Барлығы тең жағдайда болды. Бірақ бәрібір бұл үлкен рөл атқарды. Мен сондай-ақ айтқым келеді, біз Шымкентте өткізген барлық ойындарда, бәрінен де үстем болдық, айқын басымдыққа ие болдық, біз осы турнирдегі әр командадан объективті түрде мықты болдық. Барлық ойындарды көрген адамдар мұнымен келісетін шығар. Біздің гол соғу үшін барлық мүмкіндігімізді пайдаланбағанымыздың өзі мәселе. Олардың кем дегенде жартысын голға айналдырсақ, біз барлық ойындарды сабырлы түрде логикалық жеңістерге жететін едік. Біз, әрине, қалай жұмыс істеу керегін, қайда ұмтылу керектігін білеміз.
- Соңында біздің жанкүйерлерге айтарыңыз бар ма!
- Мен барлық жанкүйерлерді бірінші айналымды бірінші орында аяқтағандығымызбен құттықтағым келеді. Ол бізге тиесілі орын... Әрине, біздің жанкүйерлердің осы маусымда футболсыз қалғандығы өте өкінішті. Олардың қолдауымен және бәсекенің басқа форматымен бізге ойнау оңай болатыны анық. Біз болашаққа оптимисттік көзқараспен қараймыз. Екінші айналымда бұдан да жақсы ойнауға мүмкіндігіміз бар. Біздің бәріміздің мақсатымыз бір - біз Премьер-лигада ойнағымыз келеді!
Біздің серіктес: FONBET
