Вараздат Ароянның «Кадис» клубына қашан ауысатыны белгілі болды

Meta-ratings.kz сайтына белгілі болғандай, "Астананың" қорғаушысы Вараздат Ароян испаниялық "Кадис" клубына 1 шілдеде ауысады.

Армения құрамасының вице-капитаны Ла Лигада өнер көрсететін клубпен жеке келісім-шарт бойынша нақты мәмілеге келіп үлгерді. Бірақ ол Испанияға "Астана" үшін ең маңызды болып табылатын маусым айынан кейін ғана аттанады, себебі елордалық клуб келесі айда өз алаңында "Тобыл" және "Ордабасымен" кездеседі.

Еске салайық, қорғаушы қыста "Тамбовтан" "Астанаға" ауысып, аз уақыттың ішінде елордалық клубтың маңызды ойыншысына айналды. Ол толық 12 матчқа қатысып, бір гол соқты. Ал "Кадис" жақын арада Ароянның ауысқанын ресми түрде жариялауы керек.