"Тоттенхэм" жақын арада "Саутгемптон" клубының даниялық қорғаушысы Янник Вестергормен келісім-шарт жасасады. Бұл туралы Daily Express басылымы хабарлайды.
Дереккөздің хабарлауынша, лондондық клуб Еуропа лигасының 1/8 финалынан ұшып кеткеннен кейін, бас бапкер Жозе Моуринью қорғанысты нығайтқысы келген. "Тоттенхэм" Вестергорды жазғы трансферлік кезеңде сатып алуды жоспарлап отыр.
Премьер-лиганың ағымдағы маусымында 28 жастағы Вестергор "Саутгемптон" сапында 22 матч өткізіп, үш гол соқты. "Әулиелер" турнирлік кестеде 36 ұпаймен 13-орында тұр.
"Тоттенхэм" жазда "РБ Лейпцигтің" жартылай қорғаушысы Марсель Забитцерді және "Интердің" қорғаушысы Милан Шкриньярды қатарға қосуы мүмкін.
Біздің серіктес: FONBET
