Қостанайлық "Тобыл" Қазақстан біріншілігінің 17-турында "Қайсар" командасынан басым түсті. Кездесу Алматы қаласындағы "Жас Қыран" стадионында өтіп, 3:0 есебімен қостанайлықтардың пайдасына аяқталды.
Бұл кездесудегі голдардың барлығы екінші таймда соғылды. 53-минутта Сенин Себай алғашқы голды соқты. Ал 58-минутта Жереми Манзорро есепті еселеді. Матчтың 77-минутында Самат Жарынбетов гол соғып, ойынға нүкте қойды.
Еске салайық, бұған дейін "Қайрат" командасы "Ордабасыны" жеңіп, чемпион атанған болатын. Ал бүгін "Тобыл" командасы 29 ұпай жинап, екінші орынға көтерілді. "Астана" командасының еншісінде 27 ұпай бар. Бірақ елордалықтар өз ойынын ертең өткізеді.
Біздің серіктес: FONBET
