Армения құрамасының жартылай қорғаушысы Петрос Аветисян Қостанайдың «Тобыл» командасына ауысты. Бұл туралы футболшының өзі Фейсбуктегі парақшасында мәлімдеді.
Айта кетейік, 24 жастағы Петрос бұған дейін «Арарат-Армения» ұжымында 39 ойын өткізіп, 14 гол салған және 7 нәтижелі пас берген. Ал Еуропа лигасында 6 рет алаңға шығып, 1 голдың авторы атанған.
Сонымен қатар, өз елінде «Бананц» және «Пюник» командасының намысын қорғаған. Ұлттық құрама жейдесінде 5 кездесуге қатысқан.
Transfermarkt.de порталы футболшыны 400 мың еуроға бағалап отыр.
Шамкен БАЙЫРБЕК.
Біздің серіктес: FONBET
