Солтүстік Корея - «Рубин» кездесуі
Қазақстан құрамасының 17-ақпандағы қарсыласы кеше күтпеген жерден қазанның «Рубинін» 4:1-мен жеңіп кетті.
РПЛ-дің ағымдағы маусымында 8-сатыда келе жатқан ресейлік команданың жартылай қосалқы құраммен ойнағанын да қоса кету керек.
Айта кетейік, Солтүстік Корея дәл қазір ФИФА рейтингінде 115-орынға табан тіреген. 1996 және 2010-жылғы Әлем бірінші ліктерінің негізгі кезеңінде өнер көрсетті. Сондай-ақ, солтүстік корей футболшылары 2010 және 2012-жылы АФК Кубогінің иегері саналады.
Қазақстан құрамасының бас бапкері Әли Әлиев Түркия жеріндегі оқу-жаттығу жиындарының аясында екінші жолдастық кездесу өткізгелі отыр. Бірінші бәсекеде ұлттық команда ташкенттің «Локомотивімен» тең тарқасқан болатын 1:1. Қазақстан сапындағы жалғыз голды Айбар Жақсылықов салған. Сондай-ақ, бақылау матчында тағы бір шабуылшымыз Оралхан Өміртаевтың да қанжығасын майлайтын мүмкіндігі болды, алайда, «Ақтөбенің» өкілі пенальтиден мүлт кетті.
Қазақстан - Солтүстік Корея кездесуі 17-ақпанда, сағат 19:00-де басталады. Кездесуді Qazsport телеарнасының тікелей эфирінен тамашалауға болады.
Біздің серіктес: FONBET
