Тәжікстандық қорғаушы Дэвид Мавутор мансабын қарағандылық «Шахтерде» жалғастырады, деп хабарлайды Vesti.kz.
Дереккөздің хабарлауынша, клуб басшылығы мен жаттықтырушылар штабы Мавуторға сенім артып отыр. Футболшының өзі де келісім-шартты ұзартуға қарсы емес екен.
Мавутор өткен маусымда «Шахтер» жейдесінде 15 ойын өткізіп, екі гол мен үш нәтижелі пастың авторы атанды. Қорғаушы 2018-2019 жылдары «Жетісудың» намысын қорғаған.
Естеріңізге сала кетейік, «Шахтер» Қазақстан чемпионатын жетінші орынмен аяқтап, Конференция лигасының іріктеу кезеңінде плей-офф раундына дейін жеткен болатын.
Біздің серіктес: FONBET
