Қарағандылық "Шахтер" 22 жастағы шабуылшы Арамис Кузинмен келісім-шартқа отырады. Бұл жайлы ҚКФЛ ресми сайты хабарлады. Ойыншы 24-нөмірді таңдады.
Украинадан шыққан канадалық ойыншы футболдағы алғашқы қадамын АҚШ-тағы Пенсильвания университетінің командасында бастады. Содан кейін ол киевтік "Оболонь" клубына ауысты. Сондай-ақ "Днепр-1" және даниялық "Ольборг" клубтарында ойнады. Арамис шабуылшы позициясында өнер көрсетеді.
Кузин Қазақстан Премьер-лигасындағы екінші канадалық футболшы болады. Біріншісі - "Оқжетпестің" экс-ойыншысы Джозеф Ди Кьяра, ол 2015 жылы көкшетаулық клубтың намысын қорғаған еді.
"Ахматтың" 22 жастағы шабуылшысы Идрис Умаев "Шахтер" ойыншысы атанды. Ресейлік футболшы "кеншілер" сапында 10-нөмірмен ойнайды.
Өткен маусымда 22 жастағы шабуылшы РПЛ-да 4 матч өткізді, содан кейін "Чайкаға" жалға берілді. ФНЛ-да ол 13 матчта 5 гол соғып, 1 голдық пас берген, бірақ жарақатына байланысты алаңға наурыз айынан бері шыққан жоқ.
Біздің серіктес: FONBET
