"Пари Сен-Жермен" клубы "Реалдың" қорғаушысы Серхио Рамосты өз қатарына қосуы мүмкін, деп хабарлайды AS.
Дереккөздің хабарлауынша, француз клубы футболшыға маусымдық жалақысы 16,8 миллион еуроны құрайтын үш жылдық келісімшарт ұсынады. ПСЖ бұл ұсынысқа трансфер бонусын қосуға да дайын.
"Реал" капитанының қазіргі келісімі 2021 жылдың жазына дейін жарамды, ал клуб онымен келісімді әлі жаңартқан жоқ. Әдетте егде жастағы ойыншыларға бір маусымнан артық келісімшарт ұсынбайтын "Реал Мадрид" өз принциптерінен бас тартып, Серхиомен екі жылдық келісімшарт жасасуға дайын екендігі туралы хабарланды.
Серхио 2005 жылдан бастап корольдік клубта өнер көрсетіп келеді және оған дейін ол "Севильяда" доп тепкен. "Реал Мадридпен" 34 жастағы футболшы 22 кубок жеңіп алды, оның ішінде төрт рет Чемпиондар лигасының жеңімпазы және бес рет Испания чемпионы атанды.
Біздің серіктес: FONBET
