"Рома" командасының бас бапкері Паулу Фонсека маусым соңында қызметінен босатылады, деп хабарлайды Corriere della Sera.
Римдік клубтың басшылығы Еуропа Лигасының бірінші жартылай финалдық матчында "Манчестер Юнайтедтен" (2:6) жеңілгеннен кейін қатты ашуланды. Дереккөздің хабарлауынша, "Рома" басшылығымен болған келіссөздерден кейін португалиялық бапкер өз орнын сақтап қалды, бірақ команданы тек осы маусымның соңына дейін жаттықтырады.
Фонсека мансабын Премьер-лигада жалғастыруы мүмкін, бұл бапкерге "Кристал Пэлас" қызығушылық танытуда.
"Рома" 33 турда 55 ұпаймен А сериясының турнирлік кестесінде 7-орында тұр. Бұған дейін римдік клубты "Ювентустың" экс-жаттықтырушысы Маурицио Сарридің тізгіндеуі мүмкін екендігі хабарланған болатын.
Біздің серіктес: FONBET
