Қазақстан ұлттық құрамасында ойнауға мүмкіндігі бар ресейлік «Арсеналдың» қорғаушысы Роберт Бауэр азаматтық алу мәселесінде Қазақстан федерациясының өкілдерімен сөйлескенін айтты.
«Менің ата-анам мен әпке-қарындастарым Қазақстанда туылды. Мен Қазақстанда екі рет болдым, жақсы ел, менің түп-тамырым осы жерде. Қазақстанда соңғы рет он жыл бұрын болдым. Мен төлқұжат алу үшін (федерациямен) сөйлескен едім. Мен Қазақстан құрамасында ойнағым келеді. Мен Константин Энгельмен сөйлестім, біз онымен «Ингольштадта» ойнадық. Ол ұлттық құрамада ойнауға қуанышты екенін айтты. Меркель? Жоқ, мен оны танымаймын. Егер қазақстандық клубтар туралы айтатын болсақ, онда нақты ұсыныстар болған жоқ. Ия, біз сөйлестік, бірақ ұсыныс болмады», - деді Бауэр.
Еске салайық, 24 жастағы Бауэр 1994 жылы Қазақстанға Германиядан келген эмигранттар отбасында дүниеге келген. 2015 жылы ол Қазақстан құрамасына шақырылған болатын, бірақ ол болашақта ой-пікірін өзгерте алатынын жоққа шығармаса да, шақырудан бас тартты.
Осы маусымда Бауэр РПЛ-де «Арсенал» сапында 14 матч өткізіп, бір гол соғып, бір нәтижелі паспен көзге түсті. Германияда қорғаушы "Вердер", "Ингольштадт" және "Нюрнберг" сияқты клубтардың намысын қорғаған.
Біздің серіктес: FONBET
