"Тобыл" 11 турда "Атырауды" қабылдап, сенімді жеңіске жетті. Енді 23 ұпай жинап, "Қайсармен" бір екінші орынды бөлісіп тұр.
"Тобыл-Арена" стадионы. 3 000 жанкүйер
"Тобыл" - "Атырау" 3:0.
Гол авторлары: М. Федин, 44 мин, А. Жулпа, 53 мин, Р. Валиуллин, 90+3 мин.
Өткен турда сырт алаңда "Қайсардан" оңбай ұтылған "Тобыл" 11 турда ес жинады. Мұнайлы өңірдің командасын қабылдап, 3:0 есебімен жеңді.
Бірінші голды тайм түгесілер тұста шабуылшы Максим Федин салды. Бұрыштамадан кейін Фернандер Кассай сырғытып берген допты қақырата теуіп, қақпадан бір-ақ шығарды.
Екінші доп үзілістен соң 53 минутта соғылды. Гол авторы Артурас Жулпа.
Ал үшінші голды ойын аяқталар тұста жартылай қорғаушы Руслан Валиуллин соқты.
Шамкен БАЙЫРБЕК.
