"Қазспорт" арнасы Чемпиондар лигасы мен Еуропа лигасының ойындарын биыл толығымен көрсетеді

«Қазақстан» РТРК» АҚ УЕФА Чемпиондар Лигасы мен Еуропа Лигасының көрсетілім құқығына ие болды «Қазақстан» Республикалық телерадиокорпорациясы FIFA-2018 футболдан Әлем чемпионатының көрсетілімінен кейін футбол жанкүйерлерін тағы да қуантпақ. Бұл жолы корпорация УЕФА Чемпиондар Лигасы мен Еуропа Лигасының ойындарын Қазақстан Республикасының аумағында 3 жыл бойы көрсету құқығына ие болғанын хабарлайды. «Qazaqstan» және «Qazsport» телеарналары футбол әлеміндегі 2018/2019 маусымындағы ең таңдаулы клубтардың тартысты матчтарын 2018 жылдың 15 тамызынан бастап 2019 жылдың 1 маусымына дейін тікелей эфирде көрсететін болады.