Қазақстандық маман ресейлік клубқа бас бапкер ретінде тіркелді

  Воронеждің "Факел" клубы Сергей Волгинді бас бапкер ретінде тіркеді. Sports.kz сайтының хабарлауынша, ресейлік клубтың қазақстандық маманды бас бапкер ретінде тіркеуінің себебі, команданы басқаратын Игорь Пывиннің жаттықтырушылық Pro лицензиясының болмауы екен. Сондықтан Волгин қағаз жүзінде ғана "Факелдің" бас бапкері болғанымен, команданы Пывин басқарады. Воронеждің "Факел" клубы 17 шілдесінде "Томь" командасына қарсы Ресейдің деңгейі жөнінен екінші лигасындағы алғашқы кездесуін өткізеді.