«Қайраттың» баспасөз қызметі 29 жастағы польшалық жартылай қорғаушысы Яцек Гуральскийдің қатарға қосылғанын хабарлады.
Биыл Гуральский алматылық клубтың капитаны болып бекітілген еді.
Жартылай қорғаушы наурыз айында Польша құрамасына шақыртылды. Швециямен болған матчта (2:0) негізгі құрамда алаңға шықты, нәтижесінде оның командасы 2022 жылғы әлем чемпионатына жолдама алды.
Алматыға оралған соң Яцек балтырын зақымдап алып, «Ақжайық» (0:0) және «Тобылмен» (2:2) болған ойынға қатыса алмады.
Ертең, 23 сәуірде «Қайрат» Премьер-лиганың жетінші турында «Тұранды» қабылдайды.
Біздің серіктес: FONBET
