Премьер-лигада өнер көрсететін командалардың саны ұлғаюы мүмкін

Дүйсенбі күні өтетін Лига кеңесінде 2021 жылғы Премьер-лигадағы командалардың санын ұлғайту мәселесі талқыланады.

Премьер-лигада өнер көрсететін командалар саны 14-ке дейін ұлғаюы мүмкін. Ондай жағдайда чемпионат формула бойынша екі айналымнан және 26 турдан тұратын болады. Бірақ "Оқжетпес" келесі жылы Премьер-лигада ойнамайды.

"Атырау" мен "Ақтөбе" Қазақстан біріншілігіне жолдама алды. Конференция жеңімпаздарынан басқа жолдамаларды "Арыс (1 конференцияда екінші орын) және "Ақжайық" (2 конференцияда үшінші орын) алуы мүмкін. Екінші орында тұрған "Жетісу Б" клубының Премьер-лигаға көтерілуге құқығы жоқ (ҚПЛ-де "Жетісу" ФК өнер көрсетеді).