Пирло Италия құрамасының бапкері болуы ықтимал

Әйгілі италияндық Андреа Пирло ұлттық құрамасының жаттықтырушысы болуы мүмкін. Ansa ақпараттық агенттігінің мәлімдеуінше, Италияның футбол федерациясы экс-ойыншымен Италия құрамасының Роберто Манчини басқаратын бапкерлер құрамын толықтыруы туралы келіссөздер жүргізген. 39 жасар италияндық Федерацияның ұсынысын қабылдаған көрінеді.   Бір қызығы, жақын күндері Пирлоның Sky Sport-тың Серия А бойынша сарапшысы болды,-деген ақпарат тараған болатын. Бұл дегеніміз - трансферлік кезеңде жаттықтырушылар мен футбол мамандары туралы да алып-қашпа ақпараттардың тарайтын болғаны болса керек!?