Өзбекстандық футбол агенті: Еуропаның ерекше сұранысын болашақта емес, дәл қазір сезінудеміз

Футбол агентінің мәлімдеуінше, Хусанов ағылшын грандының жейдесін кигелі еуропалық топ-клубтар Орталық Азия нарығы зерттей бастаған екен.         

«Еуропаның ерекше сұранысын болашақта емес, дәл қазір сезінудеміз. Соңғы уақытта ол тіптен он есе өсіп отыр. Үнемі сұрастырып, ақпарат жинауда. Біздің агенттік енді ашылғанда, футбошылардың профайлдарымен Еуропаны біраз араладым. Ол кездегі қызығушылық қазіргідей емес, тіпті Хусановтың өзіне де ешкім аса бір қызығушылық таныта қоймады. Еуропалық топ-клубтың шеф-скауты бірде маған «Еуропаның алдыңғы бес біріншілігінде жүрген кемі бір өзбекстандық футболшыны көрсетші? Сондай біреуі шыққанда әңгімелесеміз» деді. Ол кезде Шомуродовтың А Сериясына трансфері әлі толық іске аспаған. Ал маған қазір сол топ-клубтың спорт директоры шығып Хусанов жайлы ақпарат сұрады. Ал мен бір кезде оның командасының Хусановты қарастырудан бас тартқанын айттым. Әрине, ыңғайсыз жағдайға қалдырмау үшін ол шеф-скауттың атын айтқам жоқ», - деді футбол агенті.

Естеріңізге сала кетейік, Хусанов «Бунедкор» клубының түлегі. 2022 жылы Беларусь біріншілігінің «Энергетик-БГУ» клубына ауысып, одан кейін «Ланс» сапын толықтырған. 20-жастағы қорғаушы ағылшын клубымен 2029 жылға дейін келісімшартқа отырды.