Нұралы Әліп "Зенит" сапында
Қазақстан құрамасының қорғаушысы Нұралы Әліп «Зенит» сапында алдағы бірнеше ойында алаңға шықпайтын болды. Футболшы жаттығу барысында аяғын жарақаттап алған екен. Бұл туралы «СЭ» басылымы мәлімдеген еді.
Санкт-Петерборлық команданың намысын қорғайтын футболшы 30-шілдеде өткен Ресей Кубогі аясындағы «Факелге» қарсы ойыннан кейінгі жаттығу процесінде жарақат алып қалды. Енді 24 жасар қорғаушы шамамен 2-3 апта шамасында өзінің командасына көмектесе алмайды. Нұралы Әліп «Динамо» (10-тамыз), «Химки» (18-тамыз, сырт алаңда) және «Спартакпен» (24-тамыз) өтетін мачтарға қатыса алмайтын секілді. Алайда, питерлік қорғаушы Қазақстан құрамасының 1-қыркүйекте басталатын оқу-жаттығу жиындарына дейін жарақатынан толық айығып, қатарға қосылады деген сенім мол.
Айта кетейік, Нұралы Әліп өткен маусымда «Зенит» сапында Ресей премьер-лигасын ұтып, чемпион болды.
Біздің серіктес: FONBET
