Михал Билек: «Албания жеңіс үшін келді. Бірақ бізде жақсы нәтиже көрсеткіміз келеді»

Қазақстан ұлттық құрамасының бас бапкері Михал Билек Албанияға қарсы Ұлттар лигасының алдағы ойыны туралы пікір білдірді.

- Қорғаныс туралы сұрақ. Алдымен Ян Вороговский келе алмады, содан кейін оның орнына шақырылған Дмитрий Мирошниченко қатардан шығып қалды. Қазіргі уақытта команданың қорғанысында мәселелер бар ма?

- Аты аталған ойыншылардан басқа, Сергей Малый сары қағаздарды шамадан тыс алғандықтан алаңға шыға алмайды. Бізде Ерланов пен Быстров арасында бұл позицияға деген бәсекелестік бар, сондықтан оларды ауыстыра аламыз деп ойлаймын.

- Зайнутдиновтың "Ростовтан" ЦСКА-ға ауысуы ұлттық құраманың ойынына оң әсер ете ме?

- Зайнутдиновтың Ресейдің ЦСКА командасында ойнағаны өте жақсы. Керемет клуб. Бахтиер бірнеше матчта негізгі құрамда пайда болды. Бұл қазақстандық футбол үшін жаман емес. Ол бірнеше шабуыл позицияларында ойнай алады. Зайнутдинов - біз үшін өте маңызды ойыншы.

- Албания құрамасының мықты тұстары қандай? Сіз не дайындап жатырсыз?

- Жақсы команда. Көптеген жас ойыншылары шетелде, Италияның А сериясында, Германия Бундеслигасында ойнайды. Тәжірибелі, ұзын бойлы ойыншылар қорғаныста өнер көрсетеді. Олар Беларуссияға қарсы кездесуде жақсы ойнады. Албания Литвадан жеңілгенімен, олар мұнда жеңіске жету үшін келді. Біз сондай-ақ Беларуссиядан ұтылып қалдық, сондықтан ертең жақсы нәтижеге қол жеткізгіміз келеді.

- Литва мен Албания арасындағы матчты (1:0) көрдіңіз бе?

- Біз соңғы матчта Алматыда жеңіліп қалдық, сондықтан ең жақсы нәтижеге қол жеткізгіміз келеді. Жігіттердің барлығы өте жақсы дайындық үстінде.

- Бауыржан Исламханның жағдайы қалай?

- Исламханның ойнауы немесе ойнамауы ертеңгі жаттығудан кейін белгілі болады.

- Барлық футболшылар мен жаттықтырушылар үшін күрделі кезең - бұл чемпионаттың тоқтауы. Ойыншыларға жиі ойнауға тура келеді. Бұл жағдай дайындыққа қалай әсер етеді?

- Биылғы жыл өте таңқаларлық маусым болды. Алдымен жолдастық кездесулер, кейіннен ресми кездесулер тоқтатылды. Енді сіз төрт күн сайын ойнауыңыз керек. Біз екі күн демалдық, содан соң техникалық дайындық, одан кейін матчқа дайындалып, комбинацияларды пысықтадық. Бізде жақсы команда бар екенін көрсету керек.

- Неліктен Дмитрий Шомконың негізгі тізімге енбейтіні түсінікті, ол жарақат алды, қазір сауығып үлгерді, бірақ сіз оны қыркүйектегі матчтардың тізімінен неге алып тастадыңыз? Араларыңызда қарама-қайшылық бар ма?

- Ол кезде оның ҚПЛ-дегі соңғы ойында қалай ойнағаны маған ұнаған жоқ, сонымен қатар бізде бұл позицияға бәсекелестік бар - Досмағамбетов пен Сүйімбаев жақсы ойнайды. Менің Шомкомен қақтығысым жоқ. Оның маған деген реніші бар ма? Дмитрийден сұраңыз.

- Алдағы матчтарда ұлттық құраманың екі жаңа ойыншысы Владислав Васильев пен Айбар Жақсылықовқа мүмкіндік бересіз бе?

- Ертең көреміз. Айбар - жас ойыншы, оған өз клубы үшін тағы көбірек ойнау керек, ол жылдам, жойқын соққысы тағы бар. Васильев те жақсы ойнайды, оның клубтық деңгейде тәжірибесі бар, сондықтан біз оны шақырдық.