Англия Премьер-лигасының 36-турында "Манчестер Юнайтед" "Олд Траффорд" стадионында "Лестер Ситиді" қабылдады. Кездесу 2:1 есебімен қонақтардың пайдасына аяқталды.
Осы нәтиженің арқасында 35 матчта 80 ұпай жинаған "Манчестер Сити" Англия Премьер-лигасында мерзімінен бұрын чемпион атанды. "Қалалықтардың" басты бәсекелесі - "Манчестер Юнайтед" бүгін ұтылып, Хосеп Гвардиоланың шәкірттерін қуып жетудің математикалық мүмкіндіктерін жоғалтты.
Айта кету керек, "Манчестер Сити" Хосеп Гвардиоланың басшылығымен үш рет чемпиондықты жеңіп алды: "қалалықтар" 2017/2018 және 2018/2019 жылғы маусымда да осы трофейге ие болған еді. Ал өткен маусымда "Ливерпуль" чемпион атанды. Жалпы, "Манчестер Сити" Англия чемпионатында жеті рет топ жарған.
Премьер-лиганың қалған үш турында "Манчестер Сити" "Ньюкасл Юнайтед", "Брайтон" (екеуі де сырт алаңда), сондай-ақ "Эвертонмен" (өз алаңында) ойнайды.
Біздің серіктес: FONBET
