Марко Вукчевич
Келесі маусымда Черногория ұлттық құрама командасының оң қапталдағы қорғаушысы Марко Вукчевич «Тобылдың» намысын қорғамақ.
31-жастағы ойыншыға сондай-ақ, «Ақтөбе» де қызығушылық танытқан көрінеді, әсіресе, команданың бас бапкері Игорь Леонов ойыншыны алуға мүдделі болған. Балқан түбегінің өкілі өзі де батыстық команданың жейдесін кигісі келген деген ақпарат бар. Алайда, қостанайлықтар «Ақтөбенің» алдын орап кетіп тұр. Transfermarkt порталында қорғаушының нарықтық бағасы 400 мың еуро.
Марко Вукчевич осыған дейін өзінің отанында «Борац» командасының намысын қорғаған. Сондай-ақ, «Подгорица» словенияның «Олимпия», румыниялық «УТА Арад» және беларусияның «Ислочь» секілді клубтарында доп тепкен.
Тәжірибелі қорғаушы бұдан бөлек Черногория құрамасының сапында алғашқы кездесуін 2015-жылы өткізген. Содан бері 26 ойында алаңнан бой көрсетіп, 1 рет мергендік танытты.
Біздің серіктес: FONBET
