Қазақстан кәсіпқой футбол лигасы өз жұмысын тоқтатты. Отандық футболда тағы қандай өзгерістер болады?

Басқаша айтқанда, еліміздегі футбол додаларын ұйымдастырып, жүйелеуге жауапты ұйым қысқартуға ұшырайды. Бұл міндеттерді енді ҚФФ жаңадан құрылатын дирекцияға міндеттемек. Аталған ұйым Қазақстан футбол федерациясының бір саласы ретінде функционалдық міндеттемелерге жауапты болып, толықтай ұйымның қарамағына өтеді.

Айта кетейік, QFL-ге жыл басында ғана жаңа (8-қаңтарда) басшы тағайындалған болатын. Бұл қызметке Ғани Қайназаровтың орнына Ерлан Жамантаев келген еді. Ерлан Айтпайұлы отандық футбол федерациясында (ҚФФ) әртүрлі қызметтер атқарып, «Ұшқын-Искра» футзал клубы мен Қазақстанның жағажай футболының құрамасын жаттықтырған еді. 2021-жылдан 2023-жылға дейін «Ақтөбе» футбол клубының басқарма төрағасы қызметін атқарды. 2023-жылдың желтоқсанында көкшетаудың «Оқжетпесіне» бас директор болып тағайындалды. Былтыр ҚФФ президенттігіне үміткер ретінде тіркеліп, 18-желтоқсанда өз кандидатурасын сайлаудан алып тастағандығын да қоса кету керек. Ерлан Жамантаевтың қандай қызметке ауысқаны әзірге белгісіз.