Ислам Чесноковтің агенті: «Хартстың» ұсынысы бойынша келіссөздер кезеңіндеміз

Бұл туралы футболшының агенті Ярослав Зварич Edinburgh News-ке мәлімдеген болатын..

«Хартс» тарапынан қызығушылық бар. Дәл қазір біз көптеген сұрақтар бойынша дұрыс шешім қабылдаудамыз, себебі осы күндері келіп түскен ұсыныстар жетерлік. Ислам – Қазақстандағы ең талантты ойыншылардың бірі, енді біз трансферлік терезенің ашылуымен бірге келесі қадамды ойластырып жатырмыз. Бүгінде «Хартстың» ұсынысы бойынша келіссөздер кезеңіндеміз. Олар футболшыны өз қатарынан көруге мүдделі және біз келіссөз жүргізудеміз. Бұл тұрғыда біраз ілгеріледік», - деді футболшының агенті.

Айта кетейік, дәл қазір Ислам Чесноков қостанайлық клубпен бірге Түркия жеріндегі оқу-жаттығу жиындарына қатысуда. Өткен маусымда жартылай қорғаушы «Тобыл» жейдесінде ҚПЛ-дің 21 матчында алаңға шығып, 10 гол соғып, бес ассист берген еді. “Хартс” Шотландия чемпионатында он екі команданың арсында 11-орында келеді.