"Қайраттың" жаңа шабуылшысы Хосе Канте клубтың баспасөз қызметіне берген алғашқы сұхбатында командаға бейімделуі, қайырымдылық фотосессиясына қатысуы туралы айтып, жанкүйерлерді Наурыз мерекесімен құттықтады.
- Хосе, "Қайратқа" ауысу туралы нұсқа қалай пайда болды?
- Алматылық клубқа ауысу туралы нұсқаны маған агентім Данило айтты. Айтпақшы, ол бұрын Қазақстанда өнер көрсеткен. Ол менімен байланысқа шықты, көп ұзамай "Қайраттың" спорттық директоры қоңырау шалды.
- Шарт жасасқанға дейін клуб туралы білдіңіз бе?
- Мен жалпы футбол жанкүйері емеспін, лигаларды өте аз білемін, ал шындығында мен "Қайрат" туралы ештеңе білмедім.
- Сіз клубтың бірнеше ойындарын көрдіңіз. Сіздің алған әсеріңіз қандай, қандай сәттерді ерекше атап өтер едіңіз?
- Алғашқы әсерім өте керемет. Былтырғы маусымда чемпион атанғанына қарамастан нәтижелерді жақсартуға тырысатын ойыншылар мен бапкерлер штабын көрдім. Бұл мені ынталандырады. Маусымның басы бізге алдағы жолды көрсетіп берді.
- Ұжымға бейімделу қалай жүріп жатыр?
- Жақсы жүріп жатыр. Бақытымызға орай, командада менің тілімде сөйлейтін адамдар бар екен. Вагнер мен физиотерапевт Диого ғана емес, біздің әкімшіміз Виктор, дәрігер Александр және спорт директоры Константин де осы тілде сөйлей алады. Олар маған тез және оңай бейімделуге көмектеседі. Мен қазір өзімді үйде жүргендей сезінудемін! Сонымен қатар бүкіл командамен және жаттықтырушылар құрамымен жасаған қарым-қатынас маған өзімді жайлы сезінуге көмектеседі.
- Сіз қайырымдылық фотосессиясына қатысып үлгердіңіз.
- Иә. 21 наурызда Халықаралық Даун синдромына шалдыққан науқастар күні еді. Клубтың медиа қызметі маған қайырымдылық қорына қолдау көрсетіп, балалармен бірге фотосессияға қатысу туралы өтінішпен жүгінді. Мен бірден келістім. Менің жеке жаттығуымнан кейін біз фотостудияға барып, жақсы уақыт өткіздік.
- Клуб жанкүйерлеріне не айтқыңыз келеді?
- Біріншіден, мен барлығын Наурыз мейрамымен құттықтаймын! Сонымен қатар мен жанкүйерлерімізбен тезірек танысқым келеді. Мен оларды өз ойыныммен қуантуға тырысамын. Жақын арада стадионда кездесеміз деп үміттенемін.
Біздің серіктес: FONBET
