Бундеслиганың 7-тур аясындағы “Сигнал Идуна Паркте” өткен турдың басты ойынында алаң иелері “Боруссия Дортмунд” мюнхендік “Баварияға” 2-3 есебімен есе жіберген еді. Норвегиялық шабуылшы бір гол соққанымен, бұл үш ұпай еншілеуге жеткіліксіз болды. Холанд кемшілікті біреуден іздемей, бұдан да көп гол соғуы керек екенін жеткізді: “Мен көп гол соғуым керек. Мұндай жоғары деңгейде өз мүмкіндіктерімізді пайдалана алмасақ, біз жеңіске жетпейміз. “Бавария” – әлемдегі ең үздік команда. Олар сияқты үздік болып, жоғары деңгейге көтерілгіміз келсе, қазіргіден де қатты еңбектенуіміз қажет” дейді 20 жасар “Боруссияның” форварды.
Жеті ойында алты гол соққан Холанд сұрмегендер тізімінің екініші сатысына жайғасса, көш басында жеті ойында 11 гол соққан “Баварияның” шабуылшысы Роберт Левандовски.
Біздің серіктес: FONBET
