Гүлжігіт Алықұлов: «Мен «Қайрат» сапындағы алғашқы ақшама анама көлік сатып әпердім»

"Қайраттың" жартылай қорғаушысы Гүлжігіт Алықұлов алматылық командаға ауысу, алғашқы жарна мөлшері туралы әңгімеледі және Қазақстан Премьер-лигасының деңгейіне баға берді.

- Сізді командада қалай қабылдады?

- Мені өте жақсы қабылдады, өйткені мен ол жақтағы кейбір ойыншыларды білетінмін. Қонақ үйге бардым, мені өте дарынды ойыншы Еркебұлан Сейдахмет қарсы алды. Біз бала кезімізде бір-бірімізге қарсы ойнадық. Ол "Таразда", мен "Дордада" ойнадым. Мені өте жақсы қабылдады, кейін үйреніп кеттім. Мен өзімді Алматыда бейтаныс сезінбеймін. Барлығы маған жақсы қарайды. Бұл дегеніміз - бауырлас халық. Тіпті кейбір адамдар мені таниды, бұл өте керемет сезім. Алматыда өзімді жайлы сезінемін.

- Сіздің басқа клубқа ауысу мүмкіндігіңіз әлеуметтік желілерде, бұқаралық ақпарат құралдарында қызу талқыға түскен кезде, сіз үш нұсқа туралы - "Қайрат" және тағы екі клуб туралы айтқан едіңіз. "Неманнан" кеткеннен кейін сізді "Қайраттан" басқа қандай клубтар қызықтырғанын айта аласыз ба?

- Мен агентіммен бірге Чехияда болдым. Ол жақта "Млада Болеслав" командасы менімен байланысқа шықты. Келіссөздер болды. Ол жерге жеткенде бізді өте жақсы қарсы алды. Негізі, мен ол клубқа ауысудың аз-ақ алдында тұрған едім. Олар: "Біз бұл жігітті жалға алғымыз келеді", - деді. Осыдан кейін "Неманның" басшылығы бас тартты. Олар мұны соңғы сәтте айтты. Нұсқалар көп болды. Ресейден... Олар да қызығушылық танытты, бірақ байланысқа шыққан жоқ.

- Ұсыныс РПЛ-ден әлде ФНЛ командаларынан түсті ме?

- РПЛ-ден. Мен агентпен сөйлестім, ол тек қызығушылық бар деді. Осыдан кейін біз "Қайратқа" ауысу туралы шешім қабылдадық. Мұнда мен көп нәрсе үйрендім деп ойлаймын.

- Біз сіздің Еуропада ойнағыңыз келгенін білеміз. Сонымен қатар, менің білуімше, шарттарға сәйкес бұл трансферге қаржы мәселесі де әсер еткен. Менің білуімше, "Қайрат" шартты түрде Чехиялық клубқа қарағанда көп ақша ұсынған. Бұл рас па?

- Иә бұл шындық.

- Кәсіби келісімшарт бойынша алғашқы жарнаның мөлшері қанша болды және сіз оны неге жұмсадыңыз?

- Мен сізге айтайын. Анама көлік сатып алдым.

- Бұл жарна...

- Одан бөлек, несиені жауып тастады.

- Қазақстан чемпионатының деңгейі туралы не айта аласыз?

- Мен барлық командалардың өте мықты екенін білемін. Барлығы жеңіске жетуді қалайды. Барлық матчтар біз үшін қиынға соқты. Бірақ біздің командада менталитет бар. Беларуссияға қарағанда техникасы жағынан мықты чемпионат.