ФИФА ӘЧ-2018-дің символикалық құрамын жариялады

Жанкүйерлердің нұсқасы бойынша ӘЧ-2018-дің ең үздік құрамы анықталды. ФИФА жанкүйерлердің дауыс беруі арқылы анықталған Ресейде өткен Әлем чемпионатының символикалық құрамын жариялады. Ең көп дауыс жинаған ойыншы Хорватия құрамасының ойыншысы Лука Модрич екен. Ең үздік ойыншылар құрамасында мынадай ойыншылар бар: қақпашы Тибо Куртуа (Бельгия), қорғаушылар: Диего Годин (Уругвай), Марсело (Бразилия), Тьяго Силва (Бразилия), Рафаэль Варан (Франция), жартылай қорғаушылар: Филиппе Коутиньо (Бразилия), Кевин Де Брёйне (Бельгия), Лука Модрич (Хорватия), шабуылшылар: Гарри Кейн (Англия), Килиан Мбаппе (Франция), Криштиану Роналду (Португалия).