Эден Азар «Реал» футбол клубының ТОП-5 сәтсіз трансферлерінің тізіміне енді

Бельгиялық жартылай қорғаушы Эден Азар «Реал» футбол клубының ТОП-5 сәтсіз трансферлерінің тізіміне енді.

Испандық Canal 3/24 арнасы, "Реал Мадрид" клубының сәтсіздікке ұшыраған бес ойыншының рейтингін жасады. Football Today кешкі бағдарламасының жүршізушісі Антонио Мануэль Мерлос клубтың тарихындағы ең нашар трансферге айналған «Реал Мадридтің» бес ойыншысын атады.

5. Николя Анелька 1999 жылы 35 миллион еуроға сатып алынды. 20 жастағы «Арсенал» шабуылшысы бір маусымда небәрі 7 гол соқты. Бір жылдан кейін футболшы «ПСЖ»-ға 34,5 миллион еуроға сатылды.

4. Арьен Роббен «Реал Мадридке» Николя Анелька сатылған қаражатқа сатып алынды. Испанияда екі жыл бойы голландиялық вингер көп жарақат алып, бар болғаны 13 гол соқты, оның өзі нәтижеге қол жеткізген матчтарда соғылды. Футболшы Баварияға 25 миллион еуроға сатылды, дәл сол жерде ол толықтай өзін көрсете алды.

3. Эден Азар «Реал Мадридке» «Челсиден» 100 миллион еуроға көшті. Бельгиялықтың Арьен Роббеннің мансабын қайталау қаупі бар, аз ойнайды және көп жарақат алады. Қазіргі уақытта бельгиялық тағы да жарақат алып, емделу үстінде.

2. Лука Йович 60 миллион еуроға «Реал Мадрид» футболшысы атанды. Келгеніне бір маусым болған жоқ, қазір барлығы футболшыны қашан сатылатынын ойлайды. Оның жеке жаттығуындағы болмашы жарақаты Мадридтік клубтың барлық жоспарларын құртты, енді испандықтарға жазғы трансфер терезесінде футболшыны 30 миллион еуродан астам сомаға сатса қуану қажет секілді көрінеді.

1. Кака 67 миллион еуроға Испандық клубқа қосылды, 120 матчта 29 гол соқты. Футболшы үнемі «Реал Мадридтің» барлық жұлдыздарының арасында өзін ыңғайсыз сезінетіндіктен үнемі күйзеліске ұшырады. Төрт сәтсіз маусым атақты бразилиялықтың "Реал Мадридтегі" мансабын аяқтауға мәжбүр етті. Футболшы Миланға тегін ауысты, бірақ сол күйі өз ойынын таба алмады.