«Манчестер Сити» мен Бельгия құрамасының жартылай қорғаушысы Кевин Де Брюйне «Барселона» шабуылшысы Лионель Мессидің «Манчестер Сити» клубына ауыспағаны туралы пікір білдірді.
«Маған бәрібір. Мені бұл жағдай алаңдатпайды. Егер Месси «Манчестер Ситиге» ауысса, ол бізге көмегін тигізер еді, өйткені мен оны барлық уақыттағы ең жақсы футболшы деп санаймын. Бірақ мен ешқашан кім келіп, кім кететініне көп мән бермеймін.
Сіз өз командаңыздың ойыншыларымен бірге ойнайсыз. Менің ойымша, бұл тұрғыда бізде өте жақсы команда бар. Егер бізге бір ойыншы қосылса, жағдай басқаша болар еді деп ойлау ақымақтық болады. Мұндай жағдай футболда үнемі болып тұрады. Барлығы трансфердің болатынына сенімді болып отырады, бірақ ақыр соңында ештеңе де болмайды», - деді Де Брюйне
Біздің серіктес: FONBET
