Чемпиондар лигасы. «Барселона» басым түседі

«Фейенорд» - «Байер»

Нидерланды командасы негізі жақсы шабуылдап қояды. Ойыны тәп-тәуір. Алайда, біз көп мән бере бермейміз. Олар өз алаңында гол салмаса бір бүйірі қисайып қалар. Ал «Байер» түсінікті. Олар көп шабуылдайды, көп гол салады. Жалпы, жеңіп те кетуі әбден ықтимал. Өткен жылы Еуропа лигасының финалында «Байер» опық жеп қалған. Сондай жеңілістерден кейін тәжірибие жинады. Матчтың жалпы тоталы 2,5 көп дегенге 1,46 коэфицент беріп отыр.

Екі тараптан да гол салады дегенге де сенуге болар еді, себебі, «екеуі де гол салады» дегенге 1,54 коэфицент екен. Былай, қарасаңыз өте жақсы нұсқа секілді.  

«Црвена Звезда» - «Бенфика»

Сербиялық клуб өткір шабуылдағанымен, «Бенфикаға» тісі бата қоймас. «Бенфика» осы Чемпиондар лигасынан үміті зор команда. Жарқыраған таланттарын елге паш еткізіп, ТОП клубтарға сату үшін осындай жерде барын салады. Сондықтан, «Бенфиканың» жеңісі мен жеке тоталының 1,5 көп деген бәстері керемет секілді. Екеуінің қайсысын таңдарымды білмей отырмын. Сіз не аласыз?

«Монако» - «Барселона»

Француз мемлекетінің ішінде өз алдына бір мемлекет болып бөлінген Монако кньяздығы бұл командаға ерекше жанкүйер. «Үй ішінен үй тіккен» бұл Монаконың 4 ойында 7 гол салғаны бар. Франция чемпионатында қазір 3 орында келе жатыр.

«Барселона» қазір бабында. Испан Ла-лигасында каталониялықтар 5 ойында 15 ұпай жинап, 17 гол салған. Бұл не деген ғаламат, бұл не деген керемет! Ади Хютер мен Ханси Фликтің арасында қызықты тартыс болады деген ойдамыз. Неміс футболының атақты екі маманы бүгін алаң сыртында шайқасқа түспек. Осы жағдайға қарап, бұл матчта голдар топырлап, жаңбырша жауады деген ойдамыз. Кешегі «Сити» мен «Интер» арасындағы ойын сияқты 0:0 болып қалмайтын шығар. Болжам ретінде «Барсаның» жеңісі мен 1,5 көп дегенін алғымыз келеді.

«Аталанта» - «Арсенал»

Джан-Пьеро Гасперини командасы мықты ойнап жүрген жоқ. Бірден айтайық. Скамачча жарақат алып қалған. Жас шабуылшы тізеден кетті. Бүгін, басты фаворит «Арсенал» екені анық. Олар АПЛдың клубы, бәрібір деңгейі кішкене болса да мықты. Сондықтан да, бұл матчта 3 гол әшейін кіруі тиіс. Матч тоталы 2,5 көп деп алсаңыздар қатып кететін сияқты.