Рио-де-Жанейрода орналасқан "Маракана" стадионы аты аңызға айналған бразилиялық футболшы Пеленің құрметіне өзгертіледі, деп хабарлайды Sky Sports.
Дереккөздің хабарлауынша, стадион "Эдсон Арантис до Насименто - Король Пеле" деп аталатын болады. Мұндай шешімді Рио-де-Жанейроның заң шығарушы органы кеше, 9 наурызда өткен дауыс беруден кейін қабылдады. Стадион жанында орналасқан спорт кешені бұрынғы атауын сақтап қалады деген ақпарат бар. Айта кетейік, "Маракана" стадионы 1950 жылы ашылған.
Пеле Бразилия құрамасында 1957-1971 жылдар аралығында ойнады. Пеле - үш рет әлем чемпионы атанған (1958, 1962, 1970) жалғыз футболшы.
Біздің серіктес: FONBET
