Барсегян: «Стэтхэммен бірге кофе ішкім келеді»

- Шай немесе кофе?

- Шай.

- Ең қызықты лақап?

- Armenian Hulk.

- Сіз шөлді аралға өзіңізбен бірге кімді алып барар едіңіз?

- Массаж жасаушы, Жарко Томашевич және Лука Шимунович.

- Неге Жарко мен Лука?

- Ол басқаларға ауруын жұқтырмас үшін алып кетер едім, ал Лука жай ғана... ол әрқашан бізбен бірге. Массаж жасаушы - мұның себебі түсінікті.

- Атақты музыканттардың қайсысымен дуэт айтқыңыз келеді?

- Эминеммен шығар.

- Сіз қандай қазақ әншілерін білесіз?

- Меніңше, Рустам болды... Мен оның әнін кеше тыңдадым. Иә, Рүстем Жүгінісов.

- Егер сіз рэпер болсаңыз, өзіңіз үшін қандай лақап ат таңдар едіңіз?

- Tosh11.

- Телефонмен сөйлескен дұрыс па әлде үйіне қонаққа барған дұрыс па?

- Егер үйінде кәуап болса, қонаққа барыңыз (күледі).

- Әкеңнен алған ең жақсы кеңес

- «Ешқашан берілме».

- Бүгін таңертең алғашқы ойыңыз қандай болды?

- «Мені кім шақырады?» және «маған тағы ұйықтауға уақыт беріңдер».

- Егер Тигран Барсегян тағам болса, ішінде қандай ингредиенттер болады?

- Тауық еті, өйткені мен оны жақсы көремін. Чили тұздығы.

- Сіз қандай ақылға сыймайтын зат сатып алдыңыз?

- Мен әрқашан ақылға сыймайтын заттарды сатып аламын, жарайды, мен оны айтып берейін. Бұл құпия еді... Жалпы, бізге пәтер сатып алу керек еді, мен ол кезде Македонияда ойнайтынмын. Мен Грецияға барып, екі сағат сатып алдым: екі Rolex, ал пәтер алуға ақша жоқ. Содан кейін менімен бір апта бойы ешкім сөйлескен жоқ (күлді).

- Қай танымал адаммен кофе ішкіңіз келеді?

- Джейсон Стэтхэм.

- Сіз үшін өте күлкілі болған фильм қандай болды?

- Күні кеше мен «365 күн» фильмін көрдім. Күлкілі болды.

- Хет-трик жасап ұтылған дұрыс па немесе гол соқпай ұтқан дұрыс па?

- Жеңіске жеткен дұрыс.

- Сізде Микки Маустың суреті бейнеленген қанша киім бар?

- Менің 30% заттарымда Микки бейнеленген, ал қалған жартысында басқа суреттер.

- Сіз өзіңізді 10 жылдан кейін қалай елестетесіз?

- Мен есірткінің қожайыны боламын, әрине, әзілдеп жатырмын (күледі). Әке болатын шығармын.

- Егер сізге атыңызды қазақша етіп өзгерту ұсынылса, қайсысын таңдар едіңіз?

- Менің досымның танысы бар - оның есімі Фархад. Ол кәсіпкер, бай. Мен де Фархад болғым келеді.

- Сіз қай жерде демалғанды қалайсыз: тауда немесе жағажайда?

- Жағажайда.

- Өмірде бәрін сынап көру керек дейді. Сіз ешқашан сынамайтын нәрселер бар ма?

- Жоқ, мен бәрін сынап көремін.

- Арменияда не бар және Қазақстанға не жетіспейді?

- Ет және картоп қосылған үй бәліштері.