«Атлетико» қорғаушысы «Байер» клубына ауысады

«Атлетико Мадридтің» қорғаушысы Сантьяго Ариас «Байер» сапына қосылуға жақын, деп жазады журналист Фабрицио Романо өзінің Twitter парақшасында.

Дереккөздің хабарлауынша, 28 жастағы футболшы Леверкузендік клубпен жеке келісімшарт талаптарын келіскен. Жақын арада «Атлетико» мен «Байер» Ариастың трансфері туралы ресми түрде хабарлайды деп күтілуде. «Эвертон» клубы да колумбиялық қорғаушының қызметіне қызығушылық танытып отыр.

Ариас «Атлетико Мадридке» 2018 жылдың шілдесінде «ПСВ» клубынан қосылды. Трансфер құны 11 миллион еуроны құрады. Қорғаушының испаниялық клубпен келісімшарты 2023 жылдың 30 маусымына дейін есептелген. Өткен маусымда Ариас «Атлетико» сапында барлық турнирлерде 18 матч өткізіп, 1 нәтижелі пас берді.