Қазақстан ұлттық құрамасының жартылай қорғаушысы Асхат Тағыберген Әлем чемпионатының іріктеу кезеңі аясындағы Францияға қарсы матч алдындағы баспасөз мәслихатында журналистердің сұрақтарына жауап берді.
- Франция ұлттық құрамасы Украинаға қарсы ойын (1:1) өткізді. Бір ойын өткізген олар үшін жақсы ма, әлде ойын өткізбеген біз үшін жақсы ма?
- Біз өз алаңымызда ойнайтын болғандықтан және тың болған соң, бізде көбірек күш болады деп ойлаймын. Ертең ойын көрсетеді.
- Канте ертеңгі ойынға келмейді дейді. Сол сіздер үшін септігін тигізе ме?
- Кантенің жоқтығы білінетін шығар, бірақ Францияның 22 ойыншысы да жұлдыздар ғой. Футбол ұжымдық ойын болған соң, бір Кантенің жоқтығы біліне қоймайды деп ойлаймын.
- Командаға жаңадан тоғыз ойыншы келді. Жалпы бұрынғы ойыншылармен командаға қалай сіңісіп кетті?
- Әрине, жастарға жол беріп, бас бапкердің тізімінде сол ойыншылар болса, олар бұған лайық деген сөз. Ол жігіттерге ағалық ақылымызды айтып, көмектесіп жүрміз.
- Асхат, Суперкубогің құтты болсын, былтырғы ең әдемі гол соққан жүлдең құтты болсын! Жауапкершілік өзіңе жүктеліп отыр. Жалпы Серікжан Мұжықов, Азат Нұрғалиев үшеуің ұлттық құрамаға ауадай қажет болып тұрсыңдар. Үшеуіңнің ұлттық құраманы өрге сүйрейтін шамаларың қандай?
- Құттықтауларыңызға көп-көп рақмет! Футбол ойынында футболшы ретінде өзіңді күнде көрсетуің керек. Осы еңбектің арқасында ұлттық құрама мен «Тобылға» септігіміз тиіп жатыр. Барлығын ертеңгі ойын көрсетеді. Ойынның алдында көп сөздер қажет емес деп ойлаймын.
Біздің серіктес: FONBET
