«Астананың» бас бапкері Андрей Тихонов «Тараз» командасымен болған ойын (1:0) жайлы пікірімен бөлісті:
- Барлық команда үшін бұл жерде ойнау қиынға соғады, «Тараз» - жақсы ойнай алатын команда және менің ойымша, бірінші таймда Эуженио жарақат алмағанда, бізге біраз мәселе тудырар еді. Командама осындай ауыр матчта жеңіске жеткеніне дән ризамын, ойындар кестесі тығыз болғандықтан, қазір біз физикалық тұрғыдан бабымызда емеспіз және команданы жаттықтыруға да мүмкіндік болмай тұр, тек қалыпқа келу процесіне ғана үлгеріп жатырмыз. Оған қоса біз әртүрлі алаңдарда ойнап жүрміз - жасандыдан табиғи алаңға ауысып жатырмыз, қазіргі жағдай осылай, біреулерде қосалқы құрам ойыншылары жеткілікті, кейбір командаларда мүлдем аз. Бұл ойынның қарқынына, сапасына әсер етпей қоймайды. Оның үстіне бізге көрермендердің ойында болмауы әсер етеді, ал «Таразда» жанкүйерлер болды және олар команданы барынша қолдап отырды. Клуб пен жанкүйерлерімізді осы жеңіспен құттықтаймын, жақында біздің де матчтарға жанкүйерлер келеді деп үміттенемін.
Біздің серіктес: FONBET
