Абат Айымбетов "Адана Демирспор" сапында
Қазақстандық шабуылшы өнер көрсететін «Адана Демирспор» клубына жаңа бас бапкер тағайындалды.
Команданы тығырықтан шығара алмаған Серкан Дамланың орнын Мұстафа Далджи басты. Аданалық ұжым 12 кездесуден кейін небары екі-ақ ұпаймен ең соңғы орында келеді. Енді жаңа жаттықтырушыға осы жағдайды түзеу тапсырмасы беріліп отыр.
Абат Айымбетовке келер болсақ, отандасымыз Түркия суперлигасының осы маусымының жеті матчына қатысып, әзірге пайдалы әрекеттерімен көзге түсе қойған жоқ. Футболшы мен клуб келісімшарты келесі жылдың 30-маусымына дейін жарамды. «Адана Демирспор» бүгін «Коньяспорды» қабылдайды.
Біздің серіктес: FONBET
