Абат Айымбетов "Адана Демирспор" сапында
Кеше отандасымыз Түркия Суперлигасының 24-турының аясындағы «Адана Демирспор» - «Антальяспор» кездесуін қосалқы құрамнан бастады (1:1).
Қазақстан құрамасының шабуылшысы аталған матчқа 62-минутта шықты, ол кезде есеп 1:1 болатын. Абат Айымбетов ойынның қалған уақытында ешқандай пайдалы іс-әрекетімен көзге түсе алған жоқ.
Бұл қазақстандық футболшының осы маусымдағы аданалық команда жейдесіндегі 17-бәсекесі. Айымбетов осыншама матчта 4 рет мергендік танытты.
«Адана Демирспор» 3 ұпаймен ең соңғы 19-орында келеді. Айымбетовтің командасынан өткен турда орын алған инцидентке байланысты 3 ұпай шегерілды әрі «Галатасараймен» матчта алаңнан кетіп қалғаны үшін техникалық жеңіліс тағайындалған.
Біздің серіктес: FONBET
