Жарнама
Жарнама

Вардан Минасян: «Үшінші голдан кейін бәрі түсінікті болды»

11.04.2021, 02:45
Сегіз ұпайы бар жамбылдық клуб үшінші орында тұр.
Жарнама
Жарнама

«Тараздың» бас бапкері Вардан Минасян «Шахтермен» өткен ойын (4:0) туралы пікір білдірді.

- Жеңіс құтты болсын! Ойын көңілден шыққан шығар?

- Бірінші голға дейін ойын тең өрбіді. Командалар бірін бірі аңдып жатты. Бірақ біздің екі голымыз командаға сенімділік берді. Екінші тайм да тең дәрежеде басталды. Үшінші гол соғылған соң көп нәрсе түсінікті болды. Ойынға көңіл толады деуге болады. Бірақ жұмыс істейтін, әлі де күшейтетін тұстар бар.

- Ойын нәтижесіне қарамастан, кездесу тартысқа толы болды...

- Мен жігіттерге өте қиын кездесу болатынын ескерттім. «Шахтер» - физикалық тұрғыда мықты, жеңіл жүгіре білетін команда. Алаңның жекелеген тұстарында күрес көп болды. Бірінші таймда қорғаныста қиындықтар болғанымен, кейіннен бәрі өз орнына келді. Біз қарсыластың ойын мәнерін зерттеп көрдік. Алаңда біз күткендей ойын болды.

- Командадағы ойыншылардың алмастырылуы жарақатқа байланысты болды ма? Жарақаты қаншалықты ауыр?

- Мақсат Әмірхановтың алмасуы жарақат алып қалуына байланысты болды. Қаншалықты ауыр екенін дәрігерлер анықтайды. Ал қалған ойыншылардың алмасуы тактикалық тұрғыда болды.

«Тараз» КФК баспасөз қызметі

Жарнама
Жарнама

Новости партнеров