Сербиялық шабуылшы Неманья Николич осы маусымның соңына дейін "Тобылдың" намысын қорғайды, деп хабарлайды клубтың баспасөз қызметі.
Неманья Николич 1992 жылы 19 қазанда Сербияның Кралево қаласында дүниеге келген. Ол Черногорияның "Грбаль" футбол командасының тәрбиеленушісі. "Тобылға" дейін Неманья Сауд Арабияның "Аль-Раид" клубында өнер көрсетті. Осы маусымда 14 матч өткізіп, 3 гол соққан. Одан бөлек, шабуылшы "Ростов", "Спартак" Субботица, "Партизан" секілді командаларда ойнаған.
Николич бұған дейін де Қазақстан чемпионатында доп тепкен. 2016 жылы "Ақтөбеге" ауысып, онла небәрі 5 матчқа қатысқан.
Біздің серіктес: FONBET