Бүгін «Тараз» футболшылары көкпардан Қазақстан чемпионатының финалдық ойындарын ипподромға барып тамашалады. Шешуші кездесуде Тараздың «Әулиеата» командасы Түркістан облысының «Құлагер» командасымен күш сынасты.
- Біз тараздық «Әулиеатаға» қолдау көрсетуге келдік. Мұнда менің жолдастарым Ернат Мәлінбай мен Құрманбек Тұрғанбек өнер көрсетеді, - дейді «Тараз» клубының қақпашысы Мұхамеджан Сейсен. – Осы достарым менің көкпарға деген махабаттымды оятты. Арасында көкпарға келіп тамашалап, осы командаға жанкүйерлік танытамын. Спорттың дәл осы түрінде командалық рухтың өте мықты болуын талап етеді, - деп өз ойын білдірді.
Ақтық кездесу өте тартысты өтті. 8:4 есебімен тараздық команда жеңіске жетіп, ел чемпионы атанды. Кездесуде Құрманбек Тұрғанбек төрт салым салды.
Ал Абылайхан Жұмабек көкпар ойынына алғаш рет келіп тұрғанын айтты. – Мұнда келіп көкпардың осыншалықты тартысты болатынын енді біліп тұрмын. Жерлестеріміздің жеңіске жеткеніне қуаныштымын. Осындай ұлттық ойындар рухты көтеріп жібереді екен, - дейді «Тараз» шабуылшысы.
«Тараздың» сербиялық легионері Ненад Адамович мұндай спорт түрін бірінші рет тамашалап тұрғанын жеткізді.
– Сіздерде көкпардың қаншалықты жақсы көретінін байқап тұрмын. Тіпті трибуна көрерменге лық толы. Жанкүйерлер керемет қолдау көрсетті. Ата-бабалардың рухын әкелетін, арқаны қоздыратын қызықты ойын екен. Қазақстанда адам баласын қатты қызықтыратын салт-дәстүрлер көп екен. Мен оларды ақырындап танып-білуге тырысып жүрмін. Командамызбен бірге келіп қолдау көрсеткенімізге қуаныштымын.
«Тараз» КФК баспасөз қызметі
Біздің серіктес: FONBET