Роман Григорчук: «Жеңіліп қалғанымыз өте өкінішті» 

«Динамо Загреб» - «Астана» арасындағы УЕФА Чемпиондар Лигасының үшінші кезеңінің жауапты ойынында астаналықтар сырт алаңда 1:0 есебімен жеңіліп қалды. Ойын соңында елорда командасының бас бапкері Роман Григорчуктың қатысуымен баспасөз жиыны өтті: - Дәл қазір менің көңіл-күйім ешкімге қызық емес деп ойлаймын. Тек қана қарсылас команданы келесі кезеңге өтуімен құттықтау ғана қалып отыр. Жеңіліп қалғанымыз өте өкінішті. - Ойыншы алмастыруда кешігіп қалдым деп ойламайсыз ба? - Ойыннан кейін бұл туралы айту өте қиын. Бұл сұраққа дәл қазір нақты жауап беру қиын. Алдымен ойынды толықтай талдап шығу қажет. - Шабуыл шебінде өткірлік болмады. Осы пікірмен келісесіз бе? - Мен сізбен толықтай келісемін.