«Реал Мадрид», «Бавария» және «Интер» футбол клубтары турнир өткізбек. Түскен қаражат медициналық мекемелерге жіберіледі.
«Интер» өзінің ресми сайтында «Реал Мадрид» және «Бавария» командаларымен бірлескен турнир ұйымдастырылатыны туралы хабарлады. Турнир 2021 жылы өтеді және "Еуропалық ынтымақтастық кубогы" деп аталады. Турнирден түскен пайда медициналық мекемелерге жіберіледі. Матчтардың нақты күні әлі белгісіз.
Турнир барысында үш команда да өз қалаларында бір-бірімен ойнайды. Мадридте «Реал Мадрид» пен «Интер», Милан қаласында «Интер» мен «Бавария» және Мюнхен қаласында «Бавария» мен «Реал Мадрид» арасындағы матч болады. Еуропада және бүкіл әлемде бұл маусым коронавирустық пандемияға байланысты тоқтатылды. Германияда чемпионат қазірдің өзінде басталды, ал Италия мен Испания болса әлі күнге дейін Европадағы COVID-19 вирусының ең көп тараған орталықтары болып тұр.
Біздің серіктес: FONBET