Лазизбек Мирзаев
Күні кеше Өзбекстан жастар құрамасының 18 жасар жартылай қорғаушысы Лазизбек Мирзаев Ла Лиганың "Леганес" атты клубына ауысты.
Испаниялық ұжым Лазизбек үшін Ташкенттік "Локомотивке" 100 мың еуро төледі.
Ташкенттік "Локоның" түлегі 2022 жылы үлкен футболда дебют жасап, бір жылдан кейін спорттық ғұмырындағы алғашқы келісімшартына қол қойған болатын. Ал Испаниялық скауттар осындай жас талантты ерте байқап Ла Лигаға жетектеп алып кетті.
Қазірдің өзінде Францияның "Ланс" клубында доп теуіп жүрген Абдуқодир Хусанов Еуропаның алпауыт клубтарының назарында жүр.
Кәсіби мансабын 2022 жылы Беларусьтің "Энергетик–БГУ" клубының сапында бастаған 20 жасар орталық қорғаушы қазір "Ланс" пен Өзбекстан құрамасының негізгі ойыншысы. Осы жазда өткен Париждегі жазғы Олимпиадада Өзбекстан қүрамасының намысын қорғап, 3 матчта алаңға шықты.
Соңғы қауесеттерге сенсек Абдуқодир Хусановқа "Ювентус", "Байер", "ПСЖ", "Манчестер Сити", "Ньюкасл" және Дортмундтық "Боруссия" сынды грандтар көз тігіп отыр екен.
Біздің серіктес: FONBET