"ПСЖ-ның" шабуылшысы Неймар Чемпиондар Лигасында "Барселонамен" кездессе, бұрынғы клубына қарсы ойнау қиынға соғатынын айтты.
Бразилиялық ойыншының айтуынша, каталондық клубтың барлық ойыншыларымен жақсы қарым-қатынаста және әлі күнге байланысқа шығып тұрады екен.
- Чемпиондар Лигасында "Барселонаға" қарсы ойнау қиынға соғады. Мен "Барселонаның" барлық ойыншыларымен қарым-қатынастамын, мен оларды қатты сағынып та жүрмін. Олар мен үшін жақсы достар болып табылады. Маған оларға қарсы алаңда қарсылас болғаннан, олармен алаңнан тыс кездесіп тұрған ұнайды, - дегенін El Mundo Deportivo жеткізді.
Бұған дейін, Неймардың "Реал" сапына ауысады деген ақпараттар әлемдік БАҚ беттерінде жиі таралып жүр.
