Головин "Монако" ФК-на ауысады

Ресей құрамасы мен ЦСКА-ның жартылай қорғаушысы Александр Головин "Монако" ФК-на ауысатын болыпты. "Спорт-Экспресстің" хабарлауынша, монаколық клубтың вице-президенті Вадим Васиоьев бұл ақпаратты растап сұхбат беріпті. Трансфердің құны шамамен 30 миллион еуро (оған қоса ресейлік клуб ойыншының келесі транферінің бір бөлігіне құқылы), келісім-шарт мерзімі 5 жыл, ойыншының жылдық жалақысы 2 миллион еуроны құрайды екен. Вадим Васильевтің сұхбатына қарағанда, "Челси" мен "Ювентус" клубтары да ресейлік ойыншыны қатарына қосқылары келген екен. Естеріңізге сала кетейік, аталған ойыншының еуропалық клубтарға ауысу мүмкіндігі осы жазғы трансферлік кезеңнің басты оқиғаларының бірі болуда.