Георгий Жуков еуропалық командаға ауысуы ықтимал
Қытай Суперлигасында доп тепкен Қазақстан құрамасының бұрынғы футболшысы Георгий Жуковқа еуропалық бірнеше командадан ұсыныс түскен.
Футболшының жаңа клубы алдағы аптада анықталып қалуы мүмкін. Бұл туралы Meta-ratings.kz мәлімдеген болатын.
30-жастағы жартылай қорғаушы осыған дейін «Цанжоу Майти Лайонс» жейдесінде доп тепті. Қытай Суперлигасының осы маусымында отандасымыз 23 кездесуге қатысып, 1 гол соғып, 1 ассист берген болатын. Айта кетейік, Жуковка сондай-ақ, «Елімай» қызығушылық танытып отыр деген ақпарат тараған еді.
Жартылай қорғаушы ҚПЛ-де «Қайрат», «Астана», польшалық «Висла», нидерландылық «Рода», бельгиялық «Беерсхот», «Стандард» пен ресейлік «Урал» жейдесінде өнер көрсетті. Ал ұлттық құрама намысын 2015 пен 2022-жылдар аралығында қорғаған болатын.
Біздің серіктес: FONBET